وش تسوي .....

معـــــــــاند الجــــــرح


وش تسوي لو عشقت انسان ماهو من نصيبك
لا لك بهالوضع يد
و لا له بهالوضع سبه

وشهو ذنبك لو غدى من بين خلق الله حبيبـك
تعرف إن قربه محال
و قلبك مصمم يحبه


و انته متأكد و عارف يبي يجي يوم و يسيبـك
يعني متوقع بأي لحظه يغيـب و تغتـرب بـه


كل دربٍ يرحل بطيفه على وجهـك يجيبـك
كل حرفٍ يُكتب لغيره
تحسه منكتب بـه

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك
عارفٍ بانّك تحب
و ما يعَرْف انّـك تحبـه


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه

الجــــــرح ارحـــــــــــــــم